2.-7.maí

7.5.2010 | 16:39

Vikan fór gjörsamlega fram hjá mér.. rosalega fljót að líða.

Borðuðum grillmat flesta daga þar sem það var svo mikill afgangur síðan úr afmælinu mínu, ekki baun sem ég hafði á móti því.

Gerðust nokkrir fyndnir og athyglisverðir hlutir í vikunni..

-Sumir urðu abbó og létu það bitna á mér ;)

-Manni flauuuug á hausinn í drullunni og ætlaði svo aldrei að geta komist á lappir aftur þar sem hann rann alltaf meira og meira og ég var að reyna að kafna ekki bókstaflega úr hlátri svo ég gat ekki hjálpað honum. Honum tókst það þó á endanum en ég hló og hló og fyrsta sinn held ég sem "hláturinn" (sá sami og þegar Eva ætlaði að vera svöl og drap á bílnum) fékk almennilega að spreyta sig.. Fékk frekar fyndin viðbrögð frá honum Manfredi Schwager Alfredi.

-Tannlæknirinn kom í hesthúsið og tók flesta hestana í gegn .. jaaahérnahér hvað þetta var mikið prógramm. Þetta var sko 30-45 mín á hest. Miklu meira prógramm heldur en þegar ég fer til tannlæknis. Samt sem áður mjögathyglisvert að fylgjast með þessu, þar sem ég fæ nú ekki að sjá þetta á klakanum.

-Einnig má geta þess að ég hef ekki reykt síðan ég bloggaði síðast .. s.s. í eina viku ;) Ég skal, ég get, ég vil!

Er búin að vera að reyna að plana svolítið dagana sem María, Eva og Áslaug verða hérna. Get alveg EKKI beðið eftir að knúsa þær í tætlur og spreyta mig almennilega á íslenskunni eftir aðeins 5 daga :D

Hugsa verði samt enn erfiðara að kveðja þær heldur en að þurfa að bíða .. en það eru nú bara 51 dagur í landsmót og heimför.

Hafið það gott :)

Flokkur: Bloggar | Facebook