Á miðvikudaginn var ég í fríi einhverra vegna, held það hafi nú samt verið alveg óvart hjá Juttu. Manni gaf s.s. um morguninn og þegar ég ætlaði að fara í hesthúsið kallaði Jutta á mig og við fórum með Christu og Alfredi á kaffihús fyrir gamalmenni og fengum köku, kakó, kaffi, ís, safa og bara nefndu það. Var afmælisgjöfin hennar Juttu í fyrra en þau höfðu aldrei tíma til að fara og gleymdu þessu svo þangað til núna. Rosa þæginlegt og gaman að sitja þarna úti í sólinni að éta. Þegar við komum heim eldaði Jutta svo Asperagos (risastórann aspas) sem er alveg rosa fínt hérna en mér þykir bara ekkert rosa gott, svo bragðlítið. Hvað um það.. Dundaði mér eitthvað í tölvunni, horfði á mynd og svaf svo.

Á fimmtudaginn gaf ég um morguninn, fékk mér svo að sjálfsögðu morgunlúr eftir morgunmatinn, þar sem lífsstíllinn minn er orðinn eins og fyrir áttræða konu ekki átján, og fór svo í hesthúsið um 1-2 leitið. Reið út, mokaði skít, fór í heljarinnar vatnsslag við Manna, sem ég ákvað að ég hafi unnið, og gaf. Súpa og brauð í kvöldmat. Eva hringdi í mig og sagði mér allsherjar gleðitíðindi. Hún ætlar að koma í heimsókn með Maríu frá Frankfurt :D

Í gær, föstudag, átti ég afmæli. Vaknaði um 11 leitið og fór niður og þá var Jutta búin að leggja rosa fínt á borð fyrir mig, setja auka dúk yfir hlutann af borðinu þar sem ég sit, búin að kaupa blóm og setja í vasa, kerti, fína stellið og pakka. Hún var ekki heima þegar ég vaknaði en þegar ég var að verða búin með morgunmatinn kom hún og þá með risastóra rjómatertu skreytta með "18" ofan á og gaf mér. 

Ég fékk mér svo göngutúr og kom við í hesthúsinu. Alfred kom fyrstur og knúsaði mig í klessu, Janine, Wiebke, Connie og Christa bættust svo við. Christa lét mig fá körfu fulla af súkkulaði, kerti, rosa fínu freyðivíni og 20 evrum í og afsakaði sig oft oft fyrir að geta ekki komist í veisluna um kvöldið.

Var komin heim aftur um 3 leitið, hoppaði þá í sturtu og gerði mig fína. Fór svo og gerði allt tilbúið með Juttu. Skáluðum með einhverju sterku og klökum um 4 leitið. Húsið varð bara alveg rosa fínt hjá okkur fannst mér .. allaveganna miðað við áður .. heehhh. Fólkið kom svo 6-7 leitið. Stina, Manni og Elsa komu fyrst og komu þá labbandi með köku með kertum til mín. Fólkið týndist hægt og rólega og Anja kom svo seinna með enn eina kökuna. Við grilluðum, átum og drukkum til miðnættis. Fékk alltof marga og dýra pakka. Ég fékk 75 evrur, 50 evra gjafabréf í H&M, ilmvatn, hálsmen, fullt af súkkulaði, 3 kökur, 1kg af haribo hlaupi, Avatar á dvd, Lina og Lena teiknuðu svo mynd handa mér, gáfu mér þýskan fána á priki og 5 bleikar rósir :)

Mjög góður dagur, og takk allir enn og aftur fyrir afmæliskveðjurnar.

Í morgun gaf ég, tók svo til þar sem hundarnir komust í ruslið í nóitt og því drasl útum ALLT. Fór með andsk.helv.djöful. þuluna mína og varð svo góð. Tók líka úr uppþvottavélinni og setti í hana aftur og tók til allar flöskurnar og svoleiðis síðan í gærkvöldi. Jutta ekki lítið ánægð með að hafa sofið svolítið lengur þennan morguninn ;) Fékk mér svo brauð og lagði mig í klukkutíma. Fór í hesthúsið um hálf 2, bak á Kleópötru, Ásdísi og Ljóma, þreif stíurnar, og 3 hólf af 4 útim hjálpaði Manna með vatnið, fór með Pjakk, 2 Lykla og Flóka út í einhverja girðingu og aftur með þá inn og gaf. Komum svo heim og átum grillkjöt þar sem við eigum birgðir af því fyrir næsta hálfa árið.

11 dagar Maríu OG Evu, 17 dagar í Áslaugu ooog 57 í heimför :) 

Lífið er að gera sig :D

Ætla að hoppa í sturtu,

Chá :)

Síðasta föstudag fyrir rúmlega viku fóru ég, Jutta, Júdit og Felix (krakkarnir hennar Frauke) í dýragarðinn í Springe sem er bara með dýrum sem lifa í Þýskalandi. Ótrúlega skemmtilegt og sá helling af dýrum sem ég hef aldrei séð áður. Borðuðum þar og fórum svo heim. Um kvöldið fór ég með Merlu og  Martinu í bíó :) Byrjuðum á að fara á bar og fá okkur drykk og fórum svo í bíóið og á Avatar á þýsku... skildi voðalega lítið. Bíóhúsið var u.þ.b. jafn stórt og gamla Laugardalshöllin.. á þremur hæðum og risastórt! Fékk mér popp og kók og OJ .. poppið er ekki saltað eins og á klakanum heldur SÆTT .. viðbjóðslegt! Eftir myndina rúntuðu þær svo með mig um Hannover. Ótrúlega "merkilegt" að vera þarna á föstudagskvöldi, allar göturnar eru fullar af fólki og eiginlega meiri umferð heldur en á daginn. Keyrðum í gegnum hóruhverfi sem var voða spes. Ég skemmti mér voða vel.

Það kom íslensk fjölskylda í heimsókn á sunnudaginn. Kallinn var að biðja um vinnu og Wiebke vildi fá að  sjá hann á baki, hitta hann og kynnast honum örlítið áður en hún tæki af skarið eftir síðustu reynslu. Fékk reyndar ekki vinnuna skilst mér því miður, virtist vera voðalegir ljúflingar. Líka voða gott að æfa íslenskuna örlítið við konuna hans og brjáluðu krakkana þrjá.

Á sunnudagskvöldið fórum við svo út að borða ég, Jutta, Wiebke og Fabian. Fékk mjög góðan, sterkan og vel útilátinn börger.

Er svo búin að kenna litlu píunu nokkrum sinnum. Alltaf voða fróðlegt að sjá hvað þær gera eftir að ég segi þeim eitthvað þar sem þær skilja voðalega takmarkað ensku og enskan mín alls ekkert sú besta.

Á miðvikudaginn fór Jutta og sótti Önnu Lísu vinkonu sína einhvert lengst í burtu og kom með hana hingað. Frekar klikkuð gella.. heyrir afskaplega illa og mjög fyndið að vera "fluga á vegg" þegar þær vinkonurnar eru að ræða málin.

Ég, Jutta og Elsa fórum svo í matarboð til Heidi um kvöldið. Þær höfðu að sjálfsögðu ekki fyrir því að segja mér hvaða viðbjóður væri í matinn þar sem ég hafði afþakkað það áður að koma því það væri kræklingar í matinn. Var þarna því eins og auli með kúguna upp í hálsi af fiskilyktinni og þurfti að opna skeljarnar líka. Ég borðaði 5 kræklinga, alla á lífi en bara 3 með meðvitund. Jutta drakk aðeins  of mikið svo ég fékk að keyra heim. LOKSINS .. sakna þess svo að keyra og hafði ekki keyrt neitt síðan ég kom þangað til þarna. Jutta hrósaði mér heilmikið fyrir hversu góður bílstjóri ég væri og ég helsátt að hafa ekki drepið á honum. Fékk mér svo brauð þegar við komum heim enda ekki nálægt því að vera södd af smá lifandi fiski.

Aðfaranótt föstudagsins síðasta héldu Jutta, Annalise, Elke og Martina af stað til Köben, með fullt af fötum og drasli af mér, og áttu að fljúga þaðan um hádegið á föstudaginn en þar sem nýtt eldgos ákvað að byrja að þá varð ekkert úr því.. þær gistu í Köben eina nótt og komu heim í gær frekar fúlar.

Ég held að ég sé búin að plata Finnboga hingað út í sumar. Það er allaveganna búið að ráða hann svo ég held hann verði bara.

Veðrið er búið að vera gúrme síðustu vikurnar. Skreið upp í 30 stigin í dag, sól og blíða. Búin að brenna fáránlega lítið miðað við alla sólina en samt svolítið. Á kvöldin er hins vegar skítakuldi og ég nældi mér í stóru gerðina af kvefi núna eina nóttina þegar ég gleymdi að loka glugganum og kveikja á ofninum.

Það er svo sæluvika í gangi. Er ekki búin að gefa um morguninn síðan á síðasta þriðjud og þarf ekki að gera það næst fyrr en á þriðjudaginn þar sem Alfred er í fríi og Manni kemur og gefur fyrir hann og leyfði mér bara líka að sofa út og gefur fyrir mig í leiðinni. Aðeins of þægilegt.. og styttist líka í að það þurfi bara ekkert að gefa meir. Verður unaður.

Á þriðjudaginn förum við svo í BBQ til Merlu og Martinu, miðvikudaginn í tívolí með Martinu og Juttu, föstudaginn til Hameln með Basta og kannski Naomi líka, sunnudaginn förum við lengst útí rassgat á hestasýningu þar sem Váli er og föstudaginn þar á eftir er afmælispartýið mitt.

24 dagar í Maríu og 70 í heimför .. þ.e.a.s. ef það verður búið að opna fyrir flug í evrópu aftur.. ekki ætla ég að synda.

Chá,

Anna

-Allt voðalega venjulegt..

-Hélt mitt fyrsta reiðnámskeið á ævinni, kenndi 2 litlum stelpum :)

-Frauke og famelya komu í heimsókn og koma aftur næstu helgi, Júdit litla voða krúttleg og þegar ég sagði halló við hana þegar hún kom að þá vildi hún bara knúsa mig og við lékum svo allt kvöldið þangað til hún sofnaði í fanginu á mér. Alls ekki vön því þar sem börn grenja oftast um leið og þau sjá mig og taka það ekki mál að koma í fangið á mér.

-Prufaði nýja meri, Kleópötru, og hún er æðisleg ! Alveg öfug við alla hina hestana þar sem maður þarf að hafa fyrir því að setja hana á brokk en annars töltar hún bara og það alveg hreint og bæði hægt og hratt og er þokkalega viljug :D

-Fékk að vera með á námskeiði hjá Wiebke, lærði nú reyndar ekkert, en gaman að geta verið með einhverjum öðrum á baki, leiðinlegt að vera alltaf einn.

-Fór með Wiebke nýja leið upp í skóg, vona ég nái að muna hana svo ég geti farið hana oftar.

-Aldrei verið jafn pirruð og ég er búin að vera öðru hverju þessa vikuna síðan ég kom. Ætla nú samt ekki að deila ástæðunni hér.

-Jutta fór í morgun (3.4.) til vinkonu sinnar að keyra hana heim af spítalanum og ætlar að gista hjá henni í nótt.

-Páskaeggið mitt er ekki komið svo það verður Páskadagur án páskaeggs í fyrsta sinn á ævinni á morgun, en það er nú í góðu lagi.

-Hljóp trippi yfir mig í vikunni einhverntímann og ég fékk þetta bráðmyndarlega hófafar beint á brjóstið, mjög flott :) En það er reyndar farið núna.

- Fékk smá heimþrá í gær, langaði svo að vera heima á Stóra-Áss open ! .. En ég var fljót að jafna mig á því þegar ég sat úti í 25+ stiga hitanum út í hesthúsi og fregnir hermdu að snjókoma væri á vestanverðum klakanum. Þessir þjóðverjar vita bara miklu meira hvað er að gerast heima heldur en ég.

-Er farin að babbla alveg þónokkuð á þessu asnalega tungumáli sem talað er hér í landi, Manni og Wiebke samt einu sem er dugleg við að leiðrétta setningarnar hjá mér. Þetta kemur allt ;)

-Bauðst til þess að hjálpa til með verðlaunaafhendinguna á LM, fékk póst að það yrði vel þegið, skoðaði svo dagskránna og verðlaunaafhendingarnar eru svo snemma á morgnanna ! .. Jæja jæja, þetta reeedddaaast :D

- 85 dagar í heimkomu !

Chá !

18 mars:

Gaf um morguninn, lagði mig svo aðeins og fór svo á bak á nokkra hesta og lónseraði nokkra.  Mokaði svo skít, gaf og sitthvað fleira áður en ég hélt heim á leið með Juttu. Þegar heim var komið stökk ég í sturtu, borðaði, tók saman dótið mitt og svo keyrði Jutta mig til Naomi. Naomi byrjaði á því að sýna mér allt húsið, byrjaði á herberginu hennar sem var sko ekki lítið. Fórum svo fram í stofuna og eldhúsið sem var alls ekkert lítið og ljótt heldur, svo fórum við upp.. voru þau þá ekki bara með sérstakt herbergi fyrir ljósabekk og hún var sko búin að plana að við ætluðum SAMAN í ljós um kvöldið og varð eiginlega frekar fúl og kjánaleg þegar ég sagði henni að ég gæti ekki farið í ljós því ég myndi bara brenna.. sem var eiginlega bara afsökun þar sem mér langaði bara ekkert í ljós MEÐ henni. Ákaflega kjánalegt og vandræðalegt kvöld, spiluðum Yatsi, Lúdó og fleira í þeim dúr við mömmu hennar til miðnættis eða svo og fórum svo að sofa.

19 mars:

Vaknaði uppúr 9 og gerði mig reddý, borðaði smá og svo biðum við Naomi eftir Peter sem gaf okkur svo far til Hannover svo við þyrftum ekki að taka lestina. Peter var voða æðislegur, algjör töffari með grátt sítt að aftan, og hann tók smá rúnt um Hannover með okkur og sýndi mér allar flottustu hallirnar og Hannovergarðinn og fullt fleira. Keyrðum svo í gegnum rauða hverfið í Hannover og stoppuðum svo fyrir utan eina búðina og þá þurfti hann sko að sýna mér búðina sem hann, pabbi hennar Naomi og einhver annar vinur þeirra áttu og þetta var sko flottasta klámbúðin í öllu Þýskalandi að hans sögn, ég afþakkaði pent að fara inn að skoða. Hann skildi okkur svo eftir á torginu fyrir utan lestarstöðina. Verslaði alveg helling enn og aftur. Borðuðum á McDonalds .. ákvað að gera það bara til þess að geta svo látið ykkur íslenska McDonalds elskendur öfunda mig þótt það væri ekkert gott nema franskarnar. En hvað um það.. Naomi varð svo brjáluð því Robin sonur Peters sagðist ætla að sækja okkur en þegar hún hringdi í hann þá sagðist hann þurfa að vinna lengur og hún varð tjúll.. haha .. skemmti mér eiginlega frekar vel að sjá hana svona og sagði henni að það væri nú lítið mál að taka bara lestina heim en það var ekki aalveg nógu kúl fyrir hana. Það varð þó úr því og í lestinni sat par á móti okkur, þau voru eitthvað að spjalla og fór þá Naomi ekki bara að blanda sér inn í umræðuna.. fannst það frekar spes en þau tóku samt sem áður bara vel í það. Eva hringdi svo í mig og við vorum eitthvað að spjalla og þá heyrði ég bara þennan svaaaka hlátur í gæjanum sem sat á móti mér .. honum fannst s.s. svona fyndið að heyra íslensku. Þegar ég var búin í símanum spurðu þau svo helling um ísland, t.d. hvort við byggjum ekki öll í snjóhúsum, að hestarnir lifðu á snjó og fl heimskulegt en það var þeim kennt í skóla. Við komum svo á endanum í Bad Nenndorf og röltum þá af stað heim til Naomi þangað til mamma hennar kom og tók okkur endann af leiðinni og keyrði mig heim. Fór svo frekar snemma í háttinn.

20.mars:

Gaf um morguninn, át og ætlaði svo aaðeins að leggja mig aftur en þá kallaði Jutta á mig og við fórum niður í hesthús að moka skít með Manna og Basta. Mokuðum skít alltof lengi þennan daginn að mínu mati. Lappirnar á mér allar plástraðrar útaf risastórum blöðrum útum allt. Komum heim um 7 6-7 leitið. Skaust í sturtu og reyndi svo að lappa upp á andlitið og dreif mig svo í afmæli hjá Jan pabba hennar Naomi. Voða fínt þar og var komin heim um 1 leitið og fór beint í háttinn.

21.mars:

Voða erfitt að vakna eftir að hafa loksins getað sofnað almennilega.. Hafði það þó af og fór og gaf, fékk mér ristað brauð með sultu og ætlaði svo að reyna að sofna aftur en þá kom minn "kæri" Vaskó svo það var gelt og gelt og gelt eins og úlfar svo það var enginn svefnfriður fyrir mína. Fórum svo um 12 leitið til Bakede og færðum einhverja hesta í nýja girðingu með Manna og Basta.  Þegar þeir voru komnir í nýju girðinguna var Manni algjört kvikindi og setti strauminn á akkúrat þegar Jutta greip í girðinguna, aaðeins of fyndið það. Brunuðum svo í hesthúsið og mokuðum ennþá meiri skít. Var orðin frekar pirruð á henni Juttu minni þar sem hún þurfti alltaf annað hvort að vera að moka undan löppunum á mér eða standa akkúrat fyrir mér svo ég gæti ekki hent skítnum uppí kassann. Þetta hafðist þó og öll hin verkin einnig og mín orðin ákaflega þreytt og uppgefin núna í lok dags og ætlar fljótlega í háttinn.

Guden Nacht.

Laugardagur & sunnudagur:

Gerðist voðalega lítið merkilegt. Gerði allt það sama og venjulega + nokkrar ropukeppnir, snjóköst og kaffæringar við Manna.

Var hræðilega pirruð á laugardaginn/kvöldið .. skipti yfir á sunnudag um kaffileytið á laugardeginum þegar ég fór að sjá alla Góugleðisstatusana.. engan veginn sátt við að vera að missa af Góugleðinni, en það kemur önnur Góugleði eftir þessa. Fór því snemma að sofa það kvöldið.

Mánudagur - fimmtudagur:

Var ein heima með hundunum og köttunum. Jutta fór til dóttur sinnar í Köln? því dóttir hennar var á spítala og Jutta ætlaði eitthvað að fara að hjálpa þeim. Var satt að segja frekar stressuð að þurfa að vera ein heima í 3 hæða húsi með 2 snar hunda. En þetta reddaðist allt saman og ég svaf vært. Búið að vera æðislegt veður alla vikuna, sól og blíða, nema í dag, fimmtudag, var þoka og kuldi.

Gerðist mjög fyndið atvik á þriðjudaginn, ætlaði að hleypa hundunum út í garð niðri í þvottahúsi þar sem annar kötturinn er því hann er eitthvað veikur og má ekki vera úti. Gekk allt vel að koma þeim út, en þegar ég hleypti þeim inn aftur tók það rúmar 20 mínútur að koma þessum brjáluðu hundum fram hjá kettinum, greyin voru svo skíthrædd við kattarkvikindið. Ég skemmti mér konunlega að horfa á þessar villtu, hömlulausu skepnur verða að algjörum hvolpum og þora ekki að taka sveig fram hjá einum gömlum ketti.

Í gær, miðvikudag, fór ég að gramsa í öllum geisladiskunum sem er að finna í þessu herbergi mínu. Þar var til ýmissa að grasa, fann m.a. ákaflega skemmtilegann disk með nokkrum köllum sem syngja flestir í öðrum sópran .. haha og einhverskonar kóngaleikaskólalög.. kann ekki að útskýra betur, en ég hló mig máttlausa að hlusta á þessa vitlausu og var ekki lengi að setja diskinn í tölvuna svo ég geti alveg örugglega alltaf hlustað á hann þegar ég er í vondu skapi.

Svo er margt á dagskránni.. Jutta ætlar með mig í dýragarð á laugardagsmorguninn, samt bara með öllum dýrum sem þú finnur í Þýskalandi, ætla að geyma allskonardýra-dýragarðinn þangað til María kemur. Afmæli svo hjá pabba hennar Naomi næstu helgi og held að ég sé að fara með Naomi til Hannover fljótlega? Svo eru páskarnir fyrstu helgina í apríl, aðra helgina í apríl er spurning með að fara í heimsókn til Evu. Jutta fer svo til Íslands 16.apríl og kemur heim 21eða 22. Verð því aftur ein heima. Þau ætla að halda svaka afmæli fyrir mig á afmælisdaginn minn svo ég býð bara spennt. María og Áslaug koma svo 12-19 maí og við ætlum að reyna að gera eitthvað skemmtilegt áður en þær fljúga svo heim á klakann, og þá er nú bara rétt rúmur mánuður eftir.. aandskoti fljótt að líða.

 Gott í  bili

Tjuus